Баланын өнүгүүсү
Кош бойлуулуктун 40-чы жумасына жеткениңиз менен куттуктайбыз! Сиз, балким, бул мөөнөткө жетпеймин деп бир нече жолу ойлонгонсуз, андыктан муну жеке жетишкендик катары караңыз.
Албетте, сиз кош бойлуулук абалынан чарчадыңыз жана баары тез эле бүтөрүн гана кыялданасыз. Өзүңүздү ыңгайсыз сезесиз, сизде күч жана энергия жетишпейт. Бир нерсеге көпкө көңүл буруу жана бир нерсени пландаштыруу кыйын. Сиз бүт жашооңуздү бир аз токтотуп коё тургандайга окшолот.
Шыпыргы менен чака кайда?
Бирок, бардык эле аялдар кош бойлуулуктун 40-чы жумасын татыктуу эс алууга себеп болот деп ишенишпейт. Кээ бирлери фанатикалык түрдө үйдүн ар бир бурчун тазалап башташат. Жолдошу бул процессти таң калуу менен гана көрө алышат. Бирок «уялоо» феномени баарына белгилүү жана жаңы төрөлгөн балага таза жана коопсуз шарттарды түзүү жагынан мааниси бар.
Бул жумадагы физикалык өзгөрүүлөр
Ушул жумада Брэкстон-Хикстин толгоосу тез-тез болуп
турат, бул кычкылтек менен кандын жатынга жана балага
агып кетишине жол ачат. Алар кээде жетишерлик күчтүү,
бирок эгер алар өтө эле оорутпаса жана бир калыпта болбосо,
кабатыр болбоңуз. Эгерде толгоосуңуз сизди түйшөлтүп
жатса, жылуу душ же абалдын өзгөрүшү адатта ооруну
басаңдатууга жардам берет.
Эгерде балаңыз жамбаш сөөгүнө түшсө, дене
түзүлүшүңүз өзгөрүлүп калат, адамдар сизди "кичирейип
калыпсың" деп айтат. Сиз бир аз жеңилирээк дем аласыз,
бирок табарсыгыңыздын басымы жогорулады, андыктан сиз
ушул жумада дааратканага бат –баттан барып турасыз.
Эгерде сиз капысынан вагинадан суюктуктун агып
кетишин сезсеңиз, жатын болжол менен 15 мүнөттөн кийин
башталат же белдин ылдый жагында тынымсыз ооруу пайда
болот, акушер же доктурга кайрылыңыз. Мунун баары
чыныгы төрөттүн алгачкы белгилери болушу мүмкүн.
Бул жумада сиз жамбашыңызда оор салмакты сезесиз.
Өзгөчө сиз турганда баланы курсаңызга көпкө сактай албай
каламын деген сезим пайда болот. Сиздин жамбаш
булчуңдарыңы жатындын концентрацияланган салмагын
сактоо үчүн ашыкча иштеп жатат.
Аларга жакшылык кылыңыз - кичине мүмкүнчүлүк
болгондо эле отура калыңыз. Эч кимге эч нерсе
түшүндүрүүнүн кажети жок - сиз кош бойлуулуктун 40-чы
жумасындасыз.
Ичиңиздин териси барабан сыяктуу керилүүдө. Киндик
сыртка чыгып кеткенсип көрүнүп калды, ал эми чоюлуу
белгилери ачык кызыл же кочкул кызгылт болуп калды.
Курсак ого бетер чоюлуп кетет деп элестетүү кыйын,
бирок эгер сиз кош бойлуулуу болуп жүрсөңүз, ал дагы деле
чоюла берет.
Бул жумадагы эмоционалдык өзгөрүүлөр
Көңүлүңүз көтөрүлүшү керек. Сиз бул жуманы
ушунчалык көп күттүңүз, эгер эч нерсе болбосо, көңүлүңүз
чогүп калат. Туугандар жана достор телефон чалып,
төрөгөнүңүзду сурашат. Балким, сиз бир нерсени дайыма
кайталоодон тажап жаткандырсыз, андыктан алардан
тынчыңызды албоону сылыктык менен сураныңыз, бирок
бир нерсе болгондо аларга билдирүүнү убада кылыңыз.
Сиз бир убакытта тынчсыздануу, толкундануу жана
чыдамсыздыкты сезип жатасыз. Бул жума эмоцияларга
толуп, алар сизди жаап алышы мүмкүн. Эгерде сиз толгоо
учурунда ооруну көтөрө албай калам деп тынчсызданып
жатсаңыз, аны кантип жеңилдетүү жөнүндө колуңуздан
келгендин баарын окуңуз. Бул тууралуу акушер же дарыгер
менен сүйлөшүп, тандалган иш -чараларды төрөт планына
киргизиңиз.
Баланын ушул жумадагы өзгөртүүлөрү
Чыдамыңыз түгөнө турганына карабай, балаңыздын
убактысы келе элек окшойт. Бирок ал жатында абдан
кысылган, жакында төрөлөт.
Акушер же дарыгер сизден баланын кыймылын, ал
канчалык активдүү экенин жана сиз анын режиминде
кандай бир өзгөрүлөр байкалдыбы деп сурашы мүмкүн.
Ал тургай, алар сизден баардыгын жазууну сурашы мүмкүн
жана алар сизден кийинки жолугушууга алып барууну
керек сурашы мүмкүн. Бул жумада баланын жүрөгүнүн
согушу менен жатындын булчуңдарынын активдүүлүгүн
көзөмөлдөгөн КТГ (кардиотокограф) керек болушу мүмкүн.
Бул дарыгерге баланын абалы жөнүндө маанилүү маалымат
берет.
Жума үчүн кеңештер
Ооруканага сумкаларды чогултууну кийинчерээк
убакытка калтырбаңыз.
Акыркы учурда керектүү кичинекей нерселерди издөө,
керексиз стресске алып келиши мүмкүн. Эгерде сиз
табигый төрөттү пландап жатсаңыз, ооруканада 3
күндөн ашык болбойсуз, андыктан көп нерсени алып
келбеңиз.
Эгерде кош бойлуулук чыдагыс оорчулукка айланып,
толгоону стимулдагыңыз келсе, дарыгериңиз менен
сүйлөшүңүз. Стимулдаштыруу ыкмаларын тандоо - бул
көптөгөн факторлорду эске алуу керек болгон жеке чечим.
Эсиңизде болсун: төрөттү жасалма жол менен
стимулдашуу, медициналык кийлигишүү жана төрөт
учурунда татаалдашуу коркунучу кыйла жогорулайт.
